〈好食〉【茜迷召喚】芫荽味百力滋期間限定登場

【老虎仔.com生活】大家鍾意食好西,記得唔好錯過呢個期間限定嘅好「茜」!全新芫荽味百力滋登場,茜迷們要試試佢啦!

準備好芫荽味衝擊未?

百力滋外盒設計別出心裁,睇個盒就知準備要畀滿滿嘅芫荽味衝擊味蕾。一打開,就聞到濃郁芳香芫荽味,好似一棵新鮮芫荽係面前一樣,大家記得索多幾吓!

未放入口已經聞到好香芫荽味!

百力滋入口鬆脆,食落好似飲緊皮蛋芫荽湯咁,散發出淡淡芫荽味。香味唔會太濃郁,容易入口,令人食完一條又一條!

芫荽味百力滋採用真實芫荽製成,並保留原香原色

全新「固力果百力滋芫荽味餅乾條」於各大超市便利店發售,好「茜」期間限定,大家千祈唔好錯過!

發表回覆

你的電郵地址並不會被公開。 必要欄位標記為 *